මාසෙට පොතක් 

රුවන් බන්දුජීව මහතාගේ “මීලඟ මීවිත” සාහිත්‍ය කෘතිය සමඟ සුවිශේෂී සාහිත්‍ය හමුවක් 

දිඹුලාගල ප්‍රාදේශීය සභා මහජන පුස්තකාලය විසින් සංවිධානය කරනු ලබන “මාසෙට පොතක්” වැඩසටහනේ මීළඟ සාහිත්‍ය හමුව සඳහා ඔබ සැමට ආදරයෙන් ආරාධනා කරමු.

මෙවර විචාරයට ලක්වන්නේ රුවන් බන්දුජීව මහතාගේ “මීලඟ මීවිත” නම් වූ සුවිශේෂී සාහිත්‍ය කෘතියයි. මෙම කෘතිය පිළිබඳ ගැඹුරු සහ සුවිශේෂී සාහිත්‍ය විචාරයක් දිලිප් මදුසංක (An Amazing Reader) සාහිත්‍ය විචාරකතුමන්ගේ එක්වීමෙන් ඔබ වෙත ගෙන එනු ඇත.

 දිනය: 2026 අගෝස්තු 03
 වේලාව: සවස 3.00
 ස්ථානය: දළුකාන වැව අද්දර, දිඹුලාගල ප්‍රාදේශීය සභා සංචාරක කලාපය

සොබාදහමේ නිස්කලංක බවත්, වැව් ඉවුරේ සුන්දර පරිසරයත් අතර සාහිත්‍ය රසවින්දනයක යෙදීමට, කවිය, කතාව, චින්තනය සහ සංවාදය සමඟ එක්වන අමතක නොවන සන්ධ්‍යාවකට ඔබත් එක්වන්න.

«“ඇළ හොඳින් ඇඳ පැලඳ
ඇවිදයයි කුඹුර මැද
වැව අරහෙ නිදි නැතුව
මේ ඇඳුම මහපු බව
කිසිම වී කරලකට
ඇළ කියා නැත තවම…”»

මෙම පද පෙළ සේම, ජීවිතයේ ගැඹුරු අරුත්, මනුෂ්‍යත්වය සහ සොබාදහම සමඟ බැඳුණු හැඟීම් අත්විඳීමට කැමති ඔබ සැමට මෙම සාහිත්‍ය හමුව විවෘතය.

 සාහිත්‍යයට ආදරය කරන ඔබත්, ඔබගේ මිතුරන් සමඟ පැමිණ මෙම සුන්දර රසවින්දන සන්ධ්‍යාවට එක්වන්න.