📢 ප්රාදේශීය රැකියා පොළ – දිඹුලාගල 📢
මිනිස් බල හා රැකීරක්ෂා දෙපාර්තමේන්තුව මගින් සංවිධානය කරනු ලබන ප්රාදේශීය රැකියා පොළ අද දින දිඹුලාගල මනම්පිටිය ප්රතිභා ශාලා පරිශ්රයේ දී පැවැත්වෙයි.
දිඹුලාගල ප්රාදේශීය ලේකම් කාර්යාලය, පොලොන්නරුව දිස්ත්රික් ලේකම් කාර්යාලය සහ දිස්ත්රික් රැකියා ක්ෂේත්රය යන ආයතනවල අනුග්රහයෙන් ක්රියාත්මක වන මෙම වැඩසටහන, ප්රදේශයේ තරුණ තරුණියන්ට සහ රැකියා අපේක්ෂකයින්ට නව රැකියා අවස්ථා හඳුන්වාදීමේ අරමුණින් සංවිධානය කර තිබේ. 💼✨
මෙම රැකියා පොළ තුළින් රාජ්ය හා පෞද්ගලික අංශයේ විවිධ ආයතන රැසක් එක්ව සිටින අතර, රැකියා අවස්ථා පිළිබඳ තොරතුරු ලබාදීම, සෘජු සම්මුඛ පරීක්ෂණ පැවැත්වීම, වෘත්තීය මාර්ගෝපදේශන ලබාදීම සහ තරුණයන්ගේ කුසලතා අනුව සුදුසු රැකියා හඳුන්වාදීම වැනි ක්රියාකාරකම් රැසක් සිදු කෙරේ. 🤝📄
එහිදී වෘත්තීය පුහුණු අධිකාරිය මඟින් සහතිකපත් ප්රධානය කිරීමක් ද සිදු කෙරිණි .
මෙම ආරම්භක අවස්ථාව සඳහා පොලොන්නරුව දිස්ත්රික් පාර්ලිමේන්තු මන්ත්රී ගරු සුනිල් රත්නසිරි මැතිතුමන්, දිඹුලාගල ප්රාදේශීය ලේකම්තුමිය, දිඹුලාගල ප්රාදේශීය සභාවේ සභාපතිතුමන් ඇතුළු රාජ්ය නිලධාරීන් සහ ආරාධිතයින් රැසක් සහභාගී වූහ.
එහිදී අදහස් දක්වමින්, ප්රදේශයේ තරුණ පරපුරට ස්ථිර රැකියා අවස්ථා උදාකර දීම සහ ස්වයංරැකියා සඳහා දිරිගැන්වීම තුළින් ග්රාමීය ආර්ථිකය ශක්තිමත් කිරීමේ වැදගත්කම ද අවධාරණය කෙරිණි. 🌱
මේ වන විටත් රැකියා අපේක්ෂකයින් විශාල පිරිසක් මෙම වැඩසටහන සඳහා සහභාගී වෙමින් උනන්දුවෙන් කටයුතු කරමින් සිටින අතර, ප්රදේශයේ තරුණ තරුණියන්ට මෙය වටිනා අවස්ථාවක් බවට පත්ව ඇත. 🌟
#dimbulagalapradeshiyasabha #JobFair #Dimbulagala #Polonnaruwa #EmploymentOpportunities #YouthEmpowerment #CareerDevelopment #SriLanka #JobOpportunities #FutureCareers #DPS #dps_media
