දිඹුලාගල ප්‍රාදේශීය සභා වැලි මංකඩ

දිඹුලාගල ප්‍රාදේශීය සභාව මගින් ක්‍රියාත්මක කරනු ලබන හරිත මංකඩ ව්‍යාපෘතිය යටතේ, වැලි මංකඩ වෙත පිවිසෙන මාර්ගය නඩත්තු කිරීම හා සංවර්ධනය කිරීමේ කටයුතු අද (2026.07.04) දින සාර්ථකව සිදු කරන ලදී.

ප්‍රාදේශීය සභාව විසින් හරිත මංකඩ ව්‍යාපෘතිය ක්‍රියාත්මක කරනු ලබන්නේ ආදායම් උත්පාදනය පමණක් අරමුණු කරගෙන නොව, එම ව්‍යාපෘතිවලට අදාළ යටිතල පහසුකම් නිරන්තරයෙන් සංවර්ධනය කරමින් මහජන සේවය ශක්තිමත් කිරීමේ අරමුණින්ය. ඒ අනුව වැලි මංකඩ වෙත ගමන් කරන මාර්ගය ප්‍රවාහනයට වඩාත් සුදුසු හා ආරක්ෂිත තත්ත්වයක පවත්වාගෙන යාම සඳහා මෙම නඩත්තු කටයුතු සිදු කරන ලදී.

මෙම වැඩසටහන සඳහා දිඹුලාගල ප්‍රාදේශීය සභාවේ නිලධාරීන් සහ සේවක මහත්වරුන් මෙන්ම වැලි මංකඩ හිමියන් ද සක්‍රීයව දායක වූ අතර, රාජ්‍ය ආයතනයක් සහ පෞද්ගලික පාර්ශ්වයක් එක්ව ප්‍රදේශයේ සංවර්ධනය සඳහා කටයුතු කළ සාර්ථක ආදර්ශයක් ලෙස මෙම වැඩසටහන හැඳින්විය හැකිය.

ප්‍රදේශයේ ආර්ථික කටයුතු ශක්තිමත් කිරීම, ජනතාවට පහසු ප්‍රවේශ මාර්ගයක් සැලසීම සහ දිගුකාලීන සංවර්ධනයට අවශ්‍ය යටිතල පහසුකම් වැඩිදියුණු කිරීම වෙනුවෙන් දිඹුලාගල ප්‍රාදේශීය සභාව ඉදිරියටත් කැපවීමෙන් කටයුතු කරනු ඇත.

🤝 එක්ව සංවර්ධනය කරමු… එක්ව දිඹුලාගල ගොඩනඟමු! 🌱